韋森特追風記

今日一早已經好大風， 返到公司Ｄ風聲都已經WeWe聲咁吹， 有幾次仲大風到連公司度大門都吹開， 導致兩次「叮噹」而無人，驚嚇人個心。

一看雷達之下，見到原來成幅螺旋雨帶已經一步步向北逼近，正如計算之中，就起下午二點幾開始，雨就開始下了。

到差不多兩點八左右時，仲「突然」出左一號戒備信號，實在看統計數據來說，起依個位置出一仔可能係首次，所以真係有D跌眼鏡，而且仲要係比積積開口中 ^^"
　
***
四點半，放工啦！相當興奮的心情，因為決定落尖咀海傍看浪影相，從另一方面看，這就算是我第一次真正去追風了！起初因為仲落著雨，所以視野唔太好，漸漸地雨停左，對岸境色都清楚起黎， 但另一方面，風亦越來越大，係大到‥逆風難行，差Ｄ企都企唔穩‥ 這才算第一次見識到維港風力的厲害！ 如果計蒲氏風力級數既描述，當時的風力可能達到７級的疾風水平，那保守一點估計也有持續既５至６級風， 真係就算出三號風球都無可厚非。

平時起沙田真係極少機會感受到依種風力，總結黎講，今次追風還可用一個「激」字黎形容呀！

連結：韋森特追風相集