零五第一紅

連續落左成個星期雨，今日終於出左零五第一個紅雨。真係唔知係咪天台手緊左‥但肯定既係睇幅等雨量線圖見到香港已經淪陷咁滯‥才過了12小時，港九新界廣泛地區錄得雨量超過100mm，而港島更有地區錄得超過200mm雨量。而剛剛昨日既新聞更謂，今個月只有一日沒有雨量紀錄！真係唔講得笑！

琴日整熱帶氣旋之最，整到最近赤道的熱帶氣旋時仲以為係2001年既畫眉，後來有熱心既網友提返先知原來2004年北印度洋有個叫Agni原來已經破左紀錄，我腦海中有印象，但唔提真係唔記得咯。

後來翻查資料先發覺 Agni 既奇異度係比畫眉更高，之不過因為畫眉起西北太平洋，又襲擊新加坡，所以傳媒較廣泛報導，使人記憶更深。而Agni至今仍未有相關的科研解釋其生成機制，所以依個奇蹟仍然係一遍謎團的。